کراچی(اسپورٹس ڈیسک) کراچی پریمیئر لیگ ایدھی کپ کے لیے ٹیموں کے انتخاب کے سلسلے میں ٹرائل کے دوسرے روز کراچی کے مختلف علاقوںسے مزید 800 کرکٹرز نے ٹرائل میں حصہ لیا کسٹم کرکٹ اکیڈمی گرائونڈ پر بیٹنگ، بولنگ، وکٹ کیپنگ کے شعبے میں سلیکٹرز نے کھلاڑیوں کو ایکشن میں دیکھا۔ سلیکٹرز سعید آزاد، ساجد علی، عتیق الرحمان، اطہر لئیق اور محمد نسیم نے ٹرائل کو سپروائز کیا، ایونٹ ہیڈ توفیق ترمذی کے مطاق جمعہ کو ٹرائل کا آخری دن ہوگا منتخب کھلاڑیوں کو ڈرافٹنگ کے ذریعے ٹیموں کا اعلان کیا جائے گا۔
