فی یونٹ 3روپے 24پیسے کمی سے 27ارب روپے سے زائد کا ریلیف ملے گا
3سویونٹ تک بجلی استعمال کرنیوالے صارفین اور کسان فائدہ نہیں اٹھا سکیں گے
اسلام آباد(مانیٹرنگ ڈیسک) نیپرا نے ماہانہ فیول ایڈجسٹمنٹ کی مد میں بجلی کی قیمتوں میں 3 روپے 24 پیسے فی یونٹ کمی کی منظوری دے دی، صارفین کو مجموعی طور پر 27 ارب روپے سے زائد کا ریلیف ملے گا، اس کا اطلاق کے الیکٹرک، 3 سو یونٹ تک بجلی استعمال کرنے والے صارفین اور کسانوں پر نہیں ہوگا۔ جمعرات کو نیشنل الیکٹرک پاور ریگولیٹری اتھارٹی نے سینٹرل پاور پرچیز ایجنسی کی جانب سے ماہانہ بنیادوں پر فیول ایڈجسٹمنٹ کی مد میں بجلی کی قیمتوں میں ردوبدل کی درخواست کی سماعت کی۔
