نئی دہلی (صباح نیوز) بھارت کی اپوزیشن جماعت کانگریس کے مرکزی رہنما راہول گاندھی نے بھارتی وزیراعظم نریندر مودی کو کھری کھری سنا دیں۔ انہوں نے کہاکہ وزیر خارجہ جے شنکر صاحب مودی کو کچھ سفارتکاری ہی سکھا دیں۔ کانگریس رہنما راہول گاندھی نے ٹوئٹر پیغام میں بھارتی وزیر خارجہ کو مخاطب کرتے ہوئے کہاکہ وزیر خارجہ جے شنکر صاحب مودی کی نااہلی چھپانے کا شکریہ، جے شنکر صاحب مودی کو تھوڑی سفارتکاری سکھائیں، ہیوسٹن میں ٹرمپ کے حق میں مودی کے بیان سے ڈیمو کریٹک پارٹی ناراض ہے۔ واضح رہے نریندر مودی نے ہیوسٹن میں جلسے سے خطاب کے دوران ’’اب کی بار ٹرمپ سرکار‘‘ کا نعرہ لگایا تھا۔
