کراچی( رپورٹ /اختر انجم)پاکستانی فلموں کے معروف کامیڈی اداکار خالد سلیم موٹا کی دوسری ٹانگ بھی گزشتہ دنوں کاٹ دی گئی۔ خالد سلیم موٹا کے مطابق شوگر کے باعث ان کی ایک ٹانگ پہلے کاٹی جاچکی تھی جبکہ گزشتہ دنوں زخم نہ بھرنے کے باعث ان کی دوسری ٹانگ بھی کاٹ دی گئی اس سلسلے میں انہوں نے عوام سے دعائے صحت کی اپیل کرتے ہوئے کہا کہ عوام کی دعائوں کے طفیل میں جلد ٹھیک ہوجائوں گا ایک سوال کے جواب میں انہوں نے کہا کہ ابھی ڈاکٹروں سے اس حوالے سے کوئی بات نہیں ہوئی کہ ان کی مصنوعی ٹانگیں لگائی جاسکتی ہیں عوام اس سلسلے میں میرے لئے دعا کریں۔
