ڈھاکا (جسارت نیوز)ویسٹ انڈین اوپنر کرس گیل نے پاکستان کو کرکٹ کھیلنے کے اعتبار سے محفوظ ترین ممالک میں سے ایک قرار دے دیا۔کرس گیل کا یہ بیان ایک ایسے وقت سامنے آیا ہے جب بنگلا دیش کرکٹ بورڈ اپنی ٹیم ٹیسٹ سیریز کے لیے پاکستان بھیجنے کا فیصلہ کرنے میں تاخیر کا شکار ہے۔کرس گیل ان دنوں بنگلا دیش پریمیئر لیگ میں چٹاگانگ چیلنجرز کی نمائندگی کررہے ہیں۔ڈھاکا میں جب ان سے ذرائع ابلاغ کے نمائندوں نے سوال کیا کہ کیا پاکستان کرکٹ کھیلنے کے لیے محفوظ ملک ہے تو کرس گیل نے جواب دیا کہ اس وقت پاکستان دنیا کے محفوظ ترین ممالک میں سے ایک ہے۔کرس گیل کا کہنا ہے کہ اگر پاکستان کہتا ہے کہ آپ کو وہی سیکورٹی فراہم کی جائے گی جو سربراہان مملکت کو فراہم کی جاتی ہے تو اس کا مطلب یہ ہے کہ آپ اچھے ہاتھوں میں ہیں جیسا کہ اسوقت ہم بنگلا دیش میں بھی محفوظ ہاتھوں میں ہیں۔دوسری جانب بنگلا دیش کرکٹ بورڈبی سی بی نے پاکستان کرکٹ بورڈکو مطلع کیا ہے کہ وہ اپنی ٹیم پاکستان بھیجنے کے بارے میں حتمی فیصلہ آئندہ چند روز میں کرے گا۔جمعرات کے روز جب پی سی بی نے بی سی بی سے رابطہ کیا تو اس کا جواب تھا کہ آئندہ چند روز میں فیصلہ کر لیا جائے گا۔
مزید پڑھیں
Load/Hide Comments
- لڑکی نے 60 روز تک سو کر 28 لاکھ روپے سے زائد کمالیے
- وائٹ ہاؤس کے قریب سے امریکی صدر کو قتل کرنے کی نیت سے آنے والا مسلح ملزم گرفتار
- اسلام آباد میں ضوابط کی خلاف ورزی پر مولانا فضل الرحمان سے منسلک مدارس کو نوٹس جاری
- امریکا نے دوبارہ جارحیت کی تو تباہ کن جواب دیں گے، محسن رضائی
- کراچی کے منصوبوں میں تاخیر کرنے والے لاہور اور ملتان سے سبق حاصل کریں، گورنر سندھ