ایران میں کورونا وائرس سے ہلاک ڈاکٹرز اور نرسز شہید قرار

تہران (این این آئی) ایران کے رہبر اعلیٰ خامنہ ای نے کورونا وائرس کا شکار مریضوں کے علاج کے دوران جان کی بازی ہار جانے والے ڈاکٹروں اور نرسوں کو شہید قرار دینے کا اعلان کیا ہے۔ میڈیا رپورٹس کے مطابق خامنہ ای نے بتایا کہ کورونا وائرس کے مریضوں کے علاج معالجے پر مامور طبی عملہ جان کی بازی ہار جاتا ہے تو وہ بھی مسلح افواج کے میدان جنگ میں کام آنے والے اہلکاروں کی طرح شہید کہلائے گا۔