شوبز

جاوید اختر کی پاکستان میں اپنے متنازعہ بیان پر وضاحت سامنے آگئی

ممبئی: بھارتی شاعر اور گیت نگار جاوید اختر نے لاہور فیض فیسٹیول میں اپنے متنازعہ بیان پر وضاحت دی ہے۔

جاوید اختر نے بھارت واپسی پر ممبئی میں ایک پروگرام میں اپنے بیان پر کہا ہے کہ میرے بیان نے بہت توجہ حاصل کی، مجھے کچھ شرمندگی محسوس ہوئی کہ آخر میں نے کیا کہہ دیا ہے۔

یہ بھی پڑھیں : جاوید اختر کے الفاظ سُن کر خود پر شرم محسوس ہوئی، مستنصر حسین تارڑ

یہ بھی پڑھیں : جاوید اختر کے بیان سے پاکستانیوں کے جذبات مجروح ہوئے، علی ظفر

انہوں نے بتایا کہ بھارت آکر مجھے ایسا لگا جیسے میں تیسری جنگ عظیم جیت کر آیا ہوں، لوگوں اور میڈیا نے میرے بیان پر بہت ردعمل دیا ہے۔

ایک سوال کے جواب میں جاوید اختر کا کہنا تھا مجھے اپنے بیان پر کوئی ڈر نہیں تھا، جس ملک میں ہم جیتے ہیں اور رہتے ہیں جب یہاں نہیں ڈرتے تو دوسرے ملک میں کیوں ڈریں گے۔

یہ بھی پڑھیں : ممبئی حملوں کے ذمہ دار پاکستان میں کھلے گھوم رہے ہیں، جاوید اختر کا متنازع بیان

یہ بھی پڑھیں : جاوید اختر کے بیان پر پاکستانی اداکاروں سمیت سوشل میڈیا صارفین کی شدید تنقید

واضح رہے کہ گزشتہ دنوں فیض فیسٹیول میں جاوید اختر نے الزام لگایا تھا کہ ممبئی حملوں کے دہشت گرد پاکستان میں گھوم پھر رہے ہیں اور اس پر انہیں شوبز ستاروں نے بھی شدید تنقید کا نشانہ بنایا تھا۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button