رفح : اسرائیل نے غزہ کے علاقے رفح تل السلطان پر ایک فضائی حملے میں کم از کم 9 افراد شہید کر دیے ۔
فلسطینی خبر رساں ایجنسی وافا نے رپورٹ کیا کہ زیادہ تر متاثرین “خواتین اور بچے” تھے، انہوں نے مزید کہا کہ ایک رہائشی مکان پر حملہ ہوا۔
زخمیوں کی تعداد کے پیش نظر مرنے والوں کی تعداد میں اضافے کا خدشہ ہے۔
ادھر اسرائیلی فوج نے مقبوضہ مغربی کنارے میں تلکرم کے مشرق میں واقع نور شمس پناہ گزین کیمپ پر چھاپہ مارا۔
جمعہ کی صبح 12 گھنٹے کے چھاپوں کے بعد، اسرائیلی فورسز نے سڑکوں، دکانوں اور رہائشی مکانات کو تباہ کرنے اور کیمپ میں سیوریج لائنوں کو پھاڑنے کے لیے بلڈوزر کا استعمال کیا۔
اسرائیلی افواج ابھی بھی نور شمس میں موجود ہیں اور فلسطینی جنگجوؤں نے فوجی دراندازی کے خلاف مسلح مزاحمت جاری رکھی ہوئی ہے۔
واضح رہے کہ 7 اکتوبر سے غزہ پر اسرائیلی حملوں میں کم از کم 34,012 افراد شہید اور 76,833 زخمی ہوچکے ہیں۔ حماس کے 7 اکتوبر کے حملوں میں اسرائیل میں مرنے والوں کی تعداد 1,139 ہے ۔
