اسلام آباد : وزیراعظم شہباز شریف نے لیاری ایکسپریس وے کی تعمیر کے دوران بے ضابطگیوں کے انکشاف پر اعلیٰ سطح انکوائری کمیٹی تشکیل دے دی ہے۔
کمیٹی کی سربراہی سابق وفاقی سیکرٹری میاں مشتاق احمد کریں گے، جبکہ سیکرٹری کابینہ کامران علی افضل، سیکرٹری تجارت جواد پال، چیئرمین پی ایم آئی سی بریگیڈیئر (ر) مظفر علی رانجھا اور انٹیلی جنس بیورو کا نمائندہ بھی کمیٹی کا حصہ ہوں گے۔
کمیٹی کو ہدایت دی گئی ہے کہ وہ لیاری ایکسپریس وے کی تعمیر نو کے منصوبے میں ٹھیکے غیر شفاف طریقے سے دینے، الیکٹریکل ورکس کے سامان کی غیر قانونی خریداری اور ٹول پلازوں کے غیر قانونی ٹھیکوں کے معاملات کی مکمل چھان بین کرے۔
یہ کمیٹی 3 ہفتوں کے اندر اپنی رپورٹ وزیراعظم شہباز شریف کو پیش کرے گی۔
