پاکستان اور قازقستان نے تعلیم کے شعبے میں آٹھ مفاہمتی یادداشتوں پر دستخط کئے ہیں جن کا مقصد مشترکہ تحقیقی تعاون، اساتذہ اور طلبہ کے تبادلے، مشترکہ تعلیمی پروگراموں اور استعداد بڑھانے کے اقدامات کو فروغ دینا ہے۔ان مفاہمتی یادداشتوں پر اسلام آباد میں ہونیوالے ایک اجلاس کے دوران دستخط کئے گئے جس میں جمہوریہ قازقستان کے 25رکنی وفد نے شرکت کی۔ وفد کی قیادت سائنس و اعلیٰ تعلیم کےوزیرSayasat Nurbekنے کی جبکہ پاکستان کے اعلیٰ تعلیمی اداروں کے نمائندے اور متعلقہ شراکت دار بھی اجلاس میں موجود تھے۔دونوں ممالک نے تعلیمی شعبے کے ذریعے ادارہ جاتی روابط کو مزید مضبوط بنانے اور عوامی سطح پر روابط بڑھانے کے عزم کا اعادہ کیا۔
Load/Hide Comments