نئی دہلی: بھارتی ریاست بہار میں اسپتال کے انتہائی نگہداشت یونٹ میں آگ لگ گئی، جس کے نتیجے میں10افراد ہلاک اور 20 سے زاید زخمی ہو گئے۔ اعلیٰ حکام کے مطابق واقعہ ضلع مظفر پور میں واقع ایک اسپتال میں پیش آیا،جہاں اموات میں مزید اضافے کا خدشہ ہے، جس میں بعض زخمیوں کی حالت انتہائی تشویشناک بتائی جا رہی ہے۔ مقامی فائر ڈیپارٹمنٹ کے مطابق آگ گزشتہ روزصبح 3 بج کر 55 منٹ پر لگی۔ اس وقت آئی سی یو میں 13 مریض زیر علاج تھے۔ آگ کے باعث ملحقہ وارڈز میں موجود بعض مریض بھی زخمی ہوئے۔ یہ بات بھی علم میں رہے کہ مقامی میڈیا رپورٹ کے مطابق ابتدائی طور پر آگ لگنے کی وجہ شارٹ سرکٹ تھی۔
