امریکی ٹیکنالوجی کمپنی مائیکرو سافٹ نے 60ہزار ملازمین کو رضاکارانہ علیحدگی کی پیشکش کا اعلان کیا ہے۔
بین الاقوامی میڈیا رپورٹس کے مطابق مصنوعی ذہانت پربھاری سرمایہ کاری کے پیش نظر مائیکروسافٹ اخراجات کم کرنے کے لیے کوشاں ہے جس کے لیے ہزاروں ملازمین کو پیشکش کی جارہی ہے۔
امریکا، کینیڈا، بھارت اور برطانیہ کے ملازمین اسکیم سے فائدہ اٹھا سکیں گے۔ نائب صدر کے عہدے اور اس سے نچلی سطح کے اہل ملازمین کو رضاکارانہ علیحدگی کی پیشکش کی گئی ہے۔
اس سال کے اوائل میں، کمپنی نے امریکا میں اپنی افرادی قوت کے تقریباً 7 فیصد یعنی تقریباً 9,000 ملازمین کو رضاکارانہ طور پر ملازمت چھوڑنے (voluntary buyouts) کی پیشکش کی تھی۔
جولائی میں، مائیکروسافٹ نے اعلان کیا کہ وہ 4,800 ملازمتیں ختم کرے گی، جو اس کی عالمی افرادی قوت کا تقریباً 2.1 فیصد بنتا ہے۔ کمپنی اپنے ایکس باکس (Xbox) گیمنگ بزنس میں بڑی تبدیلیاں لا رہی ہے اور پانچ اسٹوڈیوز تک کو فروخت یا الگ کر رہی ہے، کیونکہ وہ اس شعبے میں برسوں کی بھاری سرمایہ کاری کے بعد اب منافع میں اضافے کی خواہاں ہے۔
چیف پیپل آفیسر ایمی کولمین نے عملے کے لیے جاری کردہ ایک میمو میں کہا کہ "یہ پیشکش ان اہل ملازمین کو، جو شاید کمپنی سے باہر اپنے مستقبل کے بارے میں سوچ رہے ہیں، ایک نیا متبادل فراہم کرتی ہے کہ وہ اب معاونت کے ساتھ یہ منتقلی (transition) کر سکتے ہیں۔ اس کے ساتھ ساتھ یہ حصہ لینے والے اداروں کو اپنی افرادی قوت کو بدلتی ہوئی ضروریات کے مطابق ڈھالنے کا ایک اور ذریعہ بھی فراہم کرتی ہے۔
