اسی اخبار نے مئی 2025 میں بھارتی مار گرائے جانے کی خبر تصاویر کے ساتھ دی تھی جو ہٹانی پڑی
رافیل طیاروں کی تعداد کم ہونے کی خبر بھارتی اخبار دی ہندو نے بھی دے دی
بھارت نے فرانس سے مجموعی طور پر 36 رافیل طیارے خریدے تھے، تاہم تازہ اعداد و شمار میں صرف 32 طیارے فعال بتائے گئے ہیں۔ اس پیش رفت نے مئی 2025 میں پاکستان اور بھارت کے درمیان ہونے والے معرکہ حق کے دوران بھارتی رافیل طیاروں کے ممکنہ نقصانات سے متعلق بحث دوبارہ چھیڑ دی ہے۔
The number of active Rafale fighter jets in the Indian Air Force (IAF) inventory has been revised downward to 32 from 35 in the latest edition of the World Air Forces directory released by British aviation publication FlightGlobal.https://t.co/U1B1xJke4u
— The Hindu (@the_hindu) November 19, 2026
دلچسپ بات یہ ہے کہ دی ہندو نے مئی 2025 میں بھی پاکستان کے ہاتھوں بھارتی لڑاکا طیارے گرائے جانے سے متعلق تصاویر کے ساتھ رپورٹ شائع کی تھی، تاہم بعد ازاں یہ رپورٹ ہٹانا پڑی تھی۔
دوسری جانب بھارتی وزارت دفاع نے فلائٹ گلوبل کے تازہ اعداد و شمار سے اختلاف کرتے ہوئے کہا ہے کہ اس نے جریدے کو یہ معلومات فراہم نہیں کیں۔ وزارت دفاع نے جون 2026 کے ایک ٹینڈر کا حوالہ دیتے ہوئے تمام 36 رافیل طیاروں کی دیکھ بھال کے انتظامات کا ذکر کیا ہے۔
تاہم فلائٹ گلوبل نے فعال رافیل طیاروں کی تعداد میں کمی کی کوئی مخصوص وجہ بیان نہیں کی اور نہ ہی چار طیاروں کے تباہ ہونے کی تصدیق کی ہے۔