کراچی (اسٹاف رپورٹر) ٹریفک پولیس کی نااہلی کے باعث مین شارع فیصل پر بدترین ٹریفک جام ہوگیا، ٹریفک جام ہونے کے باعث ایمبولینسیں بھی پھنس گئیں اور مریض گھنٹوں ٹریفک جام کے باعث ایمبولینسوں میں تڑپتے رہے۔ بلوچ کالونی پُل کے قریب گاڑیوں کی لمبی قطاریں لگ گئیں، ٹریفک جام میں مسافروں کے علاوہ آفس سے گھروں کے لیے نکلنے والے شہری بھی پھنس گئے جبکہ ٹریفک کی روانی کو بحال کروانے کے لیے ٹریفک اہلکار نظر نہیں آئے، ٹریفک جام کی وجہ سے شہریوں نے منٹوں کا سفر گھنٹوں میں طے کیا جبکہ شہری اپنی مدد آپ کے تحت ٹریفک بحال کرتے نظر آئے۔
