کراچی (اسٹاف رپورٹر) بلدیہ عظمیٰ کراچی کے ہزاروں ملازمین نے سندھ حکومت کی جانب سے 15 فیصد اضافہ تنخواہوں اور پنشن میں شامل نہ کرنے اور 4 ہزار ریٹائرڈ ملازمین کو واجبات کی 4 سال سے عدم ادائیگی کے خلاف کے ایم سی ہیڈ آفس کا گھیرائو کیا اور ایم اے جناح روڈ پر کچرا گاڑیاں کھڑی کرکے 3 گھنٹے تک دھرنا دیا۔ جس سے ایم اے جناح روڈ اور اطراف کی سڑکوں پر شدید ٹریفک جام ہوگیا اس موقع پر پولیس، رینجرز اور سٹی وارڈنز کی بھاری نفری موجود تھی۔