کراچی (نیوز ڈیسک) کراچی کے علاقے ناظم آباد ضیاالدین اسپتال روڈ پر ٹرانسپورٹ کا غیر قانونی اڈہ قائم کردیا گیا ہے جہاں چنگ چی رکشائوں، واٹر ٹینکرز، ڈمپرز کھڑے کر دیے گئے ہیں جس کے باعث اس گنجان آبادی میں ٹریفک جام کی صورتحال سنگین ہوگئی ہے۔ صبح کو اسکول جانے والے بچوں، اسپتالوں میں جانے والے مریضوں کو سخت مشکلات درپیش ہیں محکمہ ٹرانسپورٹ سندھ کے مطابق کسی بھی شہری آبادی میں اڈا قائم کرنا سنگین جرم تصور کیا جائے گا، واقعہ کا نوٹس لے لیا ہے۔