کراچی (اسٹاف رپورٹر) بلدیہ عظمیٰ کراچی کے محکمہ انسداد تجاوزات نے پٹیل پاڑہ میں کارروائی کرتے ہوئے پُل کے نیچے کھڑے رکشے توڑ دیے، سینئر ڈائریکٹر محکمہ انسداد تجاوزات بشیر صدیقی کے مطابق متعدد بار نوٹس جاری کیے گئے مگر رکشوں کو پُل کے نیچے سے نہیں ہٹایا گیا۔ ان رکشوں کے نہ تو نمبر درج ہیں نہ ہی کاغذات ہیں، شہریوں کی جانب سے بھی متعدد بار شکایات موصول ہوئی تھیں، رکشوں کو تباہ کرنے کی فوٹیج سوشل میڈیا پر وائرل ہو گئی ہے۔