کراچی(اسٹاف رپورٹر) عالمی بینک نے جنوبی ایشیا میں پاکستان کو سب سے زیادہ اصلاحات کرنے پر ٹاپ ریفارمر کا درجہ دے دیا۔ عالمی بینک کے صدر رواں ماہ کے آخر میں پاکستان کا دورہ کریں گے۔ رواں سال ورلڈ بینک نے9 سے6 اصلاحات کو تسلیم کیا جس کے بعد پاکستان خطے میں تیزی سے اصلاحات کرنے والا ملک بن گیا ہے۔ امسال پاکستان نے6مختلف شعبوں میں عہتری دکھائی جن میں کاروبار کا آغاز‘ تعمیراتی اجازت ناموں کا حصول‘ بجلی کی فراہمی کا حصول اور پراپرٹی رجسٹریشن‘ ٹیکسوں کی ادائیگی اور سرحدوں کے آر پار تجارت شامل ہے۔ عالمی بینک نے تسلیم کیا کہ سابق وزیراعلیٰ شہباز شریف کی حکومت کے کمپیوٹرائزڈ پنجاب اراضی ریکارڈ سے جائیداد کے اندراج کے معاملے میں بہتری آئی ہے۔