کراچی(اسٹاف رپورٹر) عباسی شہید اسپتال کے خاکروبوں نے مبینہ تشدد کیخلاف کام چھوڑ ہڑتال کردی۔ مظاہرین کا کہنا تھا کہ انصاف ملنے تک اسپتال میں صفائی کاکام نہیں کریں گے۔ تفصیلات کے مطابق پیراور منگل کی شب سینئر ڈائریکٹر میڈیکل اینڈ ہیلتھ سروسز ڈاکٹر سلمیٰ کوثر نے عباسی شہید اسپتال کا اچانک دورہ کیا اس دوران ڈینگی وارڈز‘ لیبر اور گائنی وارڈز سمیت مختلف شعبوں اور وارڈز میں صفائی ستھرائی کے ناقص انتظامات پر عملے پر شدید برہمی کااظہار کیا۔