کراچی( نیوز ڈیسک) ملیر ڈیولپمنٹ اتھارٹی کے18 سو کنٹریکٹ ملازمین کو ملازمتوں سے سبکدوش کردیا گیا جس کی وجہ سے ان ملازمین کے گھروں میں فاقے لگ گئے ہیں۔ سرکاری ذرائع کے مطابق ان ملازمین کو فارغ کرنے کیلئے جدید طریقہ استعمال کیا گیا جس کے تحت کسی بھی ملازم کو کنٹرکٹ ختم ہونے کے بعد انہیں دوبارہ کنٹریکٹ پر نہیں رکھا گیا۔ یکمشت18 سو افراد کی فراغت کی وجہ سے ایم ڈی اے میں تمام ترقیاتی منصوبوں اور پلاٹوں کی اسکیموں پر کام معطل ہوگیا ہے جبکہ حکومت کی جانب سے نئی تقرریوں کی اجازت بھی نہیں دی جارہی ہے۔