٭ چھوڑ دیا جائے…یا…روک دیا جائے ٭
چوہدری شوگر ملز منی لانڈرنگ کیس کی عدالت میں سماعت ہوئی
فریقین کے دلائل سننے کے بعد عدالت نے فیصلہ محفوظ کرلیا
کراچی (مانیٹرنگ ڈیسک) لاہور ہائی کورٹ نے مریم نواز کی رہائی کی درخواست پر فریقین کے دلائل مکمل ہونے پر فیصلہ محفوظ کرلیا۔ عدالت 4 نومبر پیر کو فیصلہ سنائے گی۔ چوہدری شوگر ملز منی لانڈرنگ میں گرفتار مریم نواز کی ضمانت پر رہائی کی درخواست پر سماعت شروع ہوئی تو ایڈیشنل پراسیکیوٹر جنرل نیب جہانزیب بھروانہ اور مریم نواز کی طرف سے امجد پرویز ایڈوکیٹ بھی عدالت میں پیش ہوئے۔ نیب کے وکیل نے مریم نواز کی انسانی بنیادوں پر درخواست ضمانت کی مخالفت کر دی انہوں نے کہاکہ میں اس سے پہلے دلائل شروع کروں مریم کی انسانی بنیادوں والی درخواست پر بات کروں گا، مجھے بتایا گیا ہے کہ مریم نواز سروسز اسپتال میں گزشتہ روز تک رہی ہیں۔