صدرِ مملکت نے غیر قانونی طور پر الیکشن کمیشن کے دو ممبران مقرر کیے اور عدالت نے انہیں معطل کردیا
نون لیگ نے آج اس سلسلے میں دیگر جماعتوں سے مشاورت کا اعلان کردیا‘محسن رانجھا کی نجی ٹی وی سے گفتگو
اسلام آباد (مانیٹرنگ ڈیسک ) اپوزیشن جماعتوں نے صدرِ مملکت عارف علوی کے مواخذے کے لئے عدالت جانے کا فیصلہ کرلیا۔ تفصیلات کے مطابق نجی ٹی وی چینل کے پروگرام میں پاکستان مسلم لیگ ن کے رہنما محسن رانجھانے کہا ہے کہ صدرِ مملکت نے غیر قانونی طور پر الیکشن کمیشن کے دو ممبران مقرر کیے اور عدالت نے انہیں معطل کردیا۔ انہوں نے بتایا کہ مسلم لیگ ن کل اس سلسلے میں دیگر جماعتوں سے مشاورت کرے گی جس کے بعد عدالت جانے کا فیصلہ کیا جائے گا۔