کراچی (مانیٹرنگ ڈیسک) سندھ حکومت نے جے یو آئی کو سڑکیں بند کرنے کی اجازت نہ دینے کا فیصلہ کیا ہے۔ وزیراطلاعات سندھ سعید غنی نے نجی ٹی وی سے گفتگو کرتے ہوئے کہاکہ حکومت سندھ کسی کو بھی سڑک بند کرنے کی اجازت نہیں دے سکتی۔ جے یو آئی (ف) نے تاحال احتجاج کے لیے اجازت طلب نہیں کی، وزیر اطلاعات سندھ نے کہاکہ قانون کے مطابق مخصوص مقام پر دھرنے کی اجازت دی جاسکتی ہے، سعید غنی نے کہاکہ حب ریور روڈ کو بند کیاجائے گا تو شہریوں کو مشکلات کا سامنا کرنا پڑے گا، ہماری پہلی کوشش یہ ہوتی ہے کہ سڑک بند کرنے والوں سے بات چیت کی جائے۔