ترسیلات زر بھیجنے والوں کو قرعہ اندازی کے ذریعے انعامات دینے کی تجویز
وزیراعظم کی زیرصدارت اجلاس میںحکومتی معاشی ٹیم نے مراعاتی پیکج پیش کیا
اسلام آباد(مانیٹرنگ ڈیسک) حکومتی معاشی کمیٹی نے بیرونِ ملک جانے والے شہریوں کے لیے بینک اکاؤنٹ کھولنے کی شرط کو لازمی قرار دے دیا۔تفصیلات کے مطابق وزیراعظم عمران خان کی زیرصدارت حکومتی معاشی ٹیم کااجلاس ہوا جس میں وفاقی وزرا،متعلقہ محکموں کیسیکرٹریز اور سینئر افسران نے شرکت کی۔اجلاس میں قانونی طریقوں سے ملک میں ترسیلات زربھیجنے سے متعلق مشاورت کی گئی جبکہ معاشی کمیٹی نے مجوزہ مراعاتی پیکج وزیر اعظم کو پیش کیا۔معاشی کمیٹی کی جانب سے پیش کیے جانے والے مراعاتی پیکج میں بینکوں اور ایکسچینج کمپنیوں کو خصوصی مراعات دینے جبکہ ٹرانزیکشن کیلئے مطلوبہ رقم کی مقدارکوبھی کم کیے جانے کی تجویز دی گئی۔اجلاس میں بریفنگ دی گئی کہ فارن ایکسچینج ریمٹنس کارڈ کی تجدید سے نظام کو مزید بہترکیا جارہا ہے، ترسیلات زر کے فروغ کے لئے پروموشن اسکیم کے اجرا ضرورت ہے۔حکومتی معاشی کمیٹی نے بیرون ملک جانیوالے افرادکیلئے بینک اکاؤنٹ کھولنے کی شرط لازمی قرار دیا جبکہ ترسیلات زر بھیجنے والوں کو قرعہ اندازی کے ذریعے انعامات دینے کی تجویز بھی دی۔کمیٹی نے تجویز دی کہ پاکستان پوسٹ کے ڈاک خانوں کی تعداد240سے بڑھاکر3200 کیا جائے۔