اوسلو (انٹرنیشنل ڈیسک) دنیا کے 164 ممالک نے 2025ء تک بارودی سرنگوں کے مکمل خاتمے پر اتفاق کیا ہے۔ اس حوالے سے اہم اجلاس اوسلو میں ہوا۔ ناروے کی وزارت خارجہ کے مطابق آیندہ 5 برس میں دنیا کو بارودی سرنگوں سے پاک بنایا جائے گا۔ واضح رہے کہ 2018ء میں 6 ہزار 897 لوگ بارودی سرنگوں کی وجہ سے ہلاک یا زخمی ہوئے۔ جمعہ کے روز طے پانے والے ’’اوسلو ایکشن پلان‘‘ پر اتفاق کے بعد مختلف ممالک اپنے ہاں بارودی سرنگوں والے علاقوں کی نشان دہی کریں گے اور ان کے خاتمے کے لیے اقدامات کریں گے۔