اانقرہ (اے پی پی) ترک صدر رب طیب اردوان نے کہا ہے کہ اسلام کا مطلب امن ہے اور دہشت گردی کے لفظ کو اسلام کے ساتھ نہیں جوڑا جاسکتا لیکن اس کے باوجود اگر لفظ اسلام کو دہشت گردی کے ساتھ جوڑنے کا سلسلہ جاری رکھا گیا تو ہم ایسا کرنے والوں پر لعنت ملامت کا سلسلہ جاری رکھیں گے۔ انہوں نے مغربی سیاسی اور میڈیا تنظیموں سے کہا کہ وہ ایسے بیانات اور اعلانات سے باز رہیں جن سے مسلمانوں یا دیگر مذاہب کے پیروکاروں پر الزامات لگاتے ہوئے انہیں معاشرے سے دور کرنے کی کوشش کی جا رہی ہے۔