واشنگٹن (انٹرنیشنل ڈیسک) امریکی محکمہ دفاع نے طویل فاصلے تک ہدف کو نشانہ بنانے والے میزائل کے تجربے کی تصدیق کردی۔ بیان میں کہا گیا کہ میزائل کو ریاست کیلیفورنیا کے وانڈنبرگ ائر فورس بیس سے چھوڑا گیا اور اس نے 500میل دور بحر الکاہل میں اپنے ہدف کو نشانہ بنایا۔ پینٹا گون نے اس حوالے سے مزید تفصیلات بتانے سے انکار کر دیا۔ ذرائع ابلاغ کے مطابق اس قسم کی میزائل سازی روس اور امریکا کے درمیان طے شدہ سمجھوتے میں ممنوع قرار دی گئی تھی، جو رواں برس کالعدم قرار دے دیا گیا۔ واضح رہے کہ امریکی نیو کلیئر میزائل فورس نے 2 اکتوبر کو بھی اسی نوعیت کا ایک تجربہ کیا تھا۔