ڈھاکا( نمائندہ خصوصی) بنگلا دیش حکومت کا جنون حد سے بڑھتا جا رہا ہے ۔ اس جنون میں آزادی صحافت کی دھجیاں بھی اڑا دی گئیں ۔ گزشتہ جمعے کو عبدالقادر ملا شہید کی چھٹی برسی کی خبر میں روز نامہ سنگرام نے انہیں شہید لکھ دیا ۔ جس پر عوامی لیگی غنڈے سنگرام کے دفتر پر چڑھ دوڑے ، پورا دفتر توڑ پھوڑ دیا ۔ ہفتے کے روز پولیس نے اخبار کے ایڈیٹر ابو الاسد کو ڈیجیٹل سیکورٹی ایکٹ کے تحت گرفتار کر لیا اور انہیں تین روزہ پولیس ریمانڈپر بھیج دیا گیا ۔ سینئر صحافی نجم الاحسن نے اس حملے اور گرفتاری پر تبصرہ کرتے ہوئے کہا ہے کہ عبدالقادر ملا کو غیر منصفانہ مقدمے کے نتیجے میں سزا ہوئی لیکن اگر ملا کو کسی مجاز عدالت سے منصفانہ مقدمے کے باوجود سزا ہوئی تو بھی سنگرام انہیں شہید ہی لکھتا ۔
