کراچی (کامرس ڈیسک) قاسم سلیمانی کی ہلاکت کے بعد مشرق وسطیٰ کے کشیدہ حالات کے باعث پاکستان اسٹاک ایکسچینج میں بھی شدید مندی رہی۔ انڈیکس میں 157.46 پوائنٹس کی گراوٹ کے باعث 42323.30 پوائنٹس کی سطح پر بند ہوا۔ جمعہ کے روز کاروبار کے آغاز پر 100 انڈیکس کا آغاز مثبت انداز میں ہوا، پہلے ہی دو گھنٹوں کے دوران 100 انڈیکس 42689.78 پوائنٹس کی سطح پر پہنچ گیا تھا۔ دوپہر کے بعد مارکیٹ میں ایک دم مندی کی لہر آئی جس کے بعد 600 پوائنٹس کی گراوٹ کے باعث 100 انڈیکس 42077 پوائنٹس کی سطح پر آگیا۔