ممبئی( نیٹ نیوز) بالی ووڈ کی معروف اداکارہ شبانہ اعظمی کار حادثے میں زخمی ہوگئیں۔ حادثہ کاہل پور کے نزدیک ممبئی پونا ایکسپریس وے پر ہوا۔ اس حادثہ میں شبانہ اعظمی کی کار کا اگلا حصہ بری طرح تباہ ہو گیا ہے اور شبانہ اعظمی کو بھی شدید چوٹیں آئی ہیں ۔ جو تصویریں سامنے آ رہی ہیں اس میں شبانہ اعظمی کے چہرے پر خون لگا ہوا نظر آ رہا ہے۔ بتایا جاتا ہے کہ جاوید اختر بھی کار میں سوار تھے لیکن وہ محفوظ ہیں اور انھیں کوئی شدید چوٹ نہیں پہنچی ہے۔
