پاکستان اور سلوونیا کے درمیان ڈیوس کپ ٹائی میں دوسرے روز بھی بارش کی وجہ سے میچز ملتوی ہوگئے

اسلام آباد (جسارت نیوز)پاکستان اور سلوونیا کے درمیان ڈیوس کپ ٹائی میں دوسرے روز بھی بارش کی وجہ سے میچز ملتوی ہوگئے۔ نئے شیڈول کے مطابق دونوں ممالک کے درمیان ڈیوس کپ ٹائی کے میچز آج ہوںگے۔ ہفتہ کو پاکستان ٹینس فیڈیشن (پی ٹی ایف) کی جانب سے جاری تفصیلات کے مطابق پاکستان اور سلوونیا کے درمیان ڈیوس کپ ٹائی کے میچز 6 اور 7 مارچ کو اسلام آباد میں کھیلے جانے تھے تاہم یہاں پر مسلسل بارش کی وجہ سے آئی ٹی ایف ریفری ٹوم کینولچ نے میچز ملتوی کر دیے۔ نئیشیڈول کے مطابق دونوں ممالک کے درمیان ٹائی کے میچز آج صبح 10بجے ہوں گے۔ قبل ازیں ریفری نے جمعہ کو بھی بارش کی وجہ سے دونوں ممالک کے درمیان میچز ملتوی کر دیے تھے۔