وزیراعلیٰ سندھ سید مراد علی شاہ نے صوبے کے ہر ضلع میں قرنطینہ سینٹر بنانے کی ہدایت کرتے ہوئے کہا ہے کہ کہیں بھی لاک ڈاؤن کی صورتحال ہوتوغذا،ادویات اورڈاکٹرزکی رسائی کاپلان موجود ہونا چاہیے۔
تفصیلات کے مطابق وزیراعلیٰ سندھ نے طبی ٹیم کو اپنے ہیلی کاپٹر پر سکھر روانہ کردیا ہے جو سکھر پہنچنے والے زائرین کے نمونے لے کر کراچی آئے گی۔
وزیراعلیٰ سندھ نے محکمہ سندھ کو ہدایت کی ہے کہ اس وقت صوبے میں 289 زائرین واپس آئے ہیں جب کہ مزید 853 افراد نے آنا ہے ، اس لیے صورتحال کے پیش نظر ابھی سے تیاری کر لی جائے۔
انہوں نے ہر ضلع میں قرنطینہ سینٹر قائم کرنے کی ہدایت کرتے ہوئے کہا کہ تمام آنے والے زائرین کے کورونا ٹیسٹ شروع کردیں، موبائل اسپتال،ادویات،بہترین ڈاکٹرزاوردیگراسٹاف کےساتھ تیاررہیں۔
وزیراعلیٰ سندھ نے کہا کہ سندھ ڈیزاسٹرمینجمنٹ اتھارٹی کےپاس خشک غذاکااسٹاک موجود ہونا چاہیے اور کہیں بھی لاک ڈاؤن کی صورتحال ہوتوغذا،ادویات اورڈاکٹرزکی رسائی کاپلان موجود ہو۔