آسٹریلیا،کئی سڑکیں عمران خان سمیت دیگر کرکٹرز کے نام

میلبورن(جسارت نیوز)آسٹریلوی ریاست وکٹوریا کے بڑے اور گنجان آباد شہر میلبورن کی سڑکیں پاکستانی کرکٹرز کے نام کر دی گئیں۔میلبورن میں ایک نئے ہاؤسنگ اسٹیٹ کی سڑکیں دنیائے کرکٹ کے بڑے کھلاڑیوں کے نام کی گئی ہیں، جن میں پاکستان کے لیجنڈ کرکٹرز بھی شامل ہیں۔جن پاکستانی کرکٹرز کے نام سڑکوں کو دیے گئے ہیں ان میں عمران خان، وسیم اکرم، انضمام الحق، جاوید میاں داد اور شعیب اختر شامل ہیں۔یہ سڑکیں ملٹن سٹی کونسل کے راک بینک مضافات میں واقع ہیں۔