آمدن سے زائد اثاثے ،رانا ثناءاللہ کے خلاف تحقیقات کی منظوری

لاہور (آن لائن) نیب لاہور نے پاکستان مسلم لیگ (ن) پنجاب کے صدر اور رکن قومی اسمبلی رانا ثناءاللہ کے خلاف آمدن سے زائد اثاثہ جات انکوائری کو تحقیقات میں تبدیل کر کی منظوری دے دی ہے۔ یہ منظوری نیب لاہور کے ریجنل ڈائریکٹر کے ایک اجلاس میں دی گئی جس میں نیب لاہور کے تمام ڈائریکٹروں نے شرکت کی۔ اجلاس میں مختلف میگا کرپشن کے اہم مقدمات کا جائزہ لیا گیا۔ ذرائع کے مطابق نیب لاہور کا دعویٰ ہے کہ اس نے رانا ثناءاللہ کے 40 کروڑ روپے مالیت سے زائد اثاثہ جات کے شواہد اکٹھے کر لیے ہیں جبکہ تحقیقات میں رانا ثناءاللہ کی جائداد سے متعلق اہم انکشافات سامنے آئیں گے۔