افغان حکومت کا اہم طالبان قیدیوں کو رہا نہ کرنے کا فیصلہ

کابل ( آن لائن)افغانستان کی حکومت نے جیلوں میں قید انتہائی اہم طالبان جنگجوئوں کو رہا نہ کرنے اعلان کیا ہے جبکہ مغربی حکومتوں نے اس حکمت عملی کی حمایت کر دی ۔غیر ملکی خبررساں ادارے کے مطابق ایک سینئر سرکاری سفارت کار نے بتایا کہ مغربی طاقتیں سیکڑوں طالبان قیدیوں کو رہا کرنے سے انکار کرنے میں افغان حکومت کی حمایت کرتی ہیں۔رپورٹ کے مطابق خطرناک طالبان قیدیوں کی رہائی سے انکار سے ظاہر ہوتا ہے کہ 18 سال سے افغانستان میں جاری جنگ کے خاتمے کی کوششیں ایک بار پھر تعطل کا شکار ہو گئی ہیں اور طالبان قیدیوں کی رہائی میں تاخیر امن عمل آگے بڑھانے اور امریکا کی ثالثی سے ہونے والی جنگ بندی پرعمل درآمد میں مشکلات بڑ ھ گئی ہیں۔