کویت سٹی: کویت نے کورونا وائرس سے متعلق خطرات کے پیش نظر پاکستان اور بھارت سمیت وبا سے متعلق پُر خطر قرار دیے گئے ممالک کی پروازوں پر پابندی عائد کردی ہے۔
خلیجی خبر رساں ادارے کے مطابق ہفتے کو کویت کے ڈائریکٹر جنرل برائے سول ایوی ایشن نے پابندیوں کا اعلان کیا۔ اس کے مطابق بھارت، پاکستان، مصر، فلپائن، لبنان، سری لنکا سمیت کئی ممالک کی پروازوں پر پابندی عائد کی ہے۔ واضح رہے کہ کویت میں مذکورہ ممالک کے باشندے بڑی تعداد میں مقیم ہیں۔
جن ممالک پر پابندیاں عائد کی گئیں ہیں ان میں چین، ایران، برازیل ، میکسیکو، اٹلی اور عراق بھی شامل ہیں۔