راولپنڈی: اڈیالہ روڈ پر ڈکیتی کے دوران مزاحمت پر خاتون زخمی ہوگئی۔
راولپنڈی اڈیالہ روڈ کے قریب گھر کے باہر خاتون کو لوٹنے کی کوشش میں مزاحمت پر خاتون کو گولی مار دی گئی۔ خاتون کو زخمی حالت میں بینظیر اسپتال منتقل کیا گیا۔ مسلح ملزمان موقع سے فرار ہونے میں کامیاب ہوگئے۔
واردات کی سی سی ٹی وی فوٹیج ایکسپریس نیوز نے حاصل کر لی۔ فوٹیج میں خاتون زخمی حالت میں گرتے دیکھا جاسکتا ہے۔ واضح رہے کہ راولپنڈی میں اسٹریٹ کرائم کی شرح میں اضافے ہونے سے شہری پریشان ہیں۔