اسلام آباد: وزیراعظم عمران خان نے معاون خصوصی برائے توانائی تابش گوہر کا استعفی مسترد کردیا ہے۔ میڈیا رپورٹس کے مطابق وزیراعظم سے معاون خصوصی برائے توانائی تابش گوہر نے ملاقات کی، جس میں وزیراعظم نے ان کا استعفی مسترد کرتے ہوئے انہیں کام جاری رکھنے کی ہدایت کی ہے۔
خیال رہے کہ معاون خصوصی برائے توانائی تابش گوہر توانائی کے شعبے میں اہم کردار نہ ملنے پر وہ دلبرداشتہ تھے، جس پر انہوں نے چند روز قبل اپنے عہدے سے استعفی دیدیا تھا، انہوں نے واٹس ایپ کے ذریعے اپنا استعفی وزیراعظم کو بھیجا تھا۔