لاہور: اے این ایف نے علامہ اقبال انٹر نیشنل ایئرپورٹ پر کارروائی کے دوران کروڑوں روپے مالیت کی ہیروئن اٹلی اسمگلنگ کی کوشش ناکام بنادی۔
اینٹی نارکوٹکس فورس نے علامہ اقبال انٹر نیشنل ایئرپورٹ پر کارروائی کرتے ہوئے کروڑوں روپے مالیت کی ہیروئن اٹلی اسمگلنگ کی کوشش ناکام بنادی اور مسافر کو گرفتار کرلیا، مسافر قطر ایئرویز کی پرواز کیو آر621کے ذریعے دوحہ سے براستہ اٹلی جارہا تھا۔
مسافرنے ہیروئن بڑی مہارت کے ساتھ ٹرالی بیگ میں چھپا رکھی تھی، برآمد ہونے والی ہیروئن ساڑھے5کلو سے زائد بتائی جاتی ہے جس کی بین الاقوامی مارکیٹ میں قیمت کروڑوں روپے ہے، اے این ایف نے مسافر کو گرفتار کے تفتیش شروع کردی ہے۔