شمالی کوريا کے رہنما کم جونگ ان نے کہا ہے کہ ان کے ملک کو امريکہ کے ساتھ مکالمت اور مزاحمت دونوں ہی کے ليے تيار رہنا چاہيے۔
سرکاری نيوز ايجنسی KCNA پر نشر کردہ ان کے بيان ميں کم جونگ ان نے بالخصوص جنگی صورتحال کے ليے تيار رہنے کی ضرورت پر زور ديا۔
انہوں نے يہ بيانات مرکزی کميٹی کے اجلاس ميں ديے جو گزشتہ روز منقعد ہوا تھا۔
شمالی کوريائی رہنما کے مطابق يہ امريکہ نے طے کرنا ہے کہ وہ پيونگ يانگ کے حوالے سے کيا حکمت عملی اختيار کرتا ہے اور اسی کی بنياد پر رد عمل طے کيا جائے گا۔
واضح رہے کہ امريکہ ميں نئی انتظاميہ نے حال ہی ميں شمالی کوريا کے حوالے سے پاليسی جائزہ مکمل کيا ہے اور اب ديکھنا يہ ہے کہ صدر جو بائيڈن کيا لائحہ عمل اختيار کرتے ہيں۔