امریکہ میں ایک ریستوران کے گاہک نے 37 ڈالر کے آرڈر پر16 ہزار ڈالر کی ٹِپ دی۔
یہ دلچسپ واقعہ ریاست نیو ہیمپ شائر میں پیش آیا۔
گاہک نے ریستوران سے ایک سینڈویچ، اچار اور چند مشروبات خریدے جن کا بِل 37 ڈالر بنا لیکن گاہک نے اس بِل کے ساتھ 16 ہزار ڈالر کی بخشش کے ساتھ کُل 16 ہزار 37 ڈالر ادا کئے۔
گاہک کا نام پوشیدہ رکھا گیا ہے۔ اس کی اس حرکت نے ریستوران کے ملازمین کو حیرت میں مبتلا کر دیا۔
ریستوران کے ملازمین میں سے مائیک لمیک کڈن نے کہا ہے کہ یہ ایک طویل عرصے سے ریستورانوں میں کام کر رہا ہوں لیکن ایسا واقعہ اس سے قبل کبھی پیش نہیں آیا۔
میک کڈن نے کہا ہے کہ ” پچھلا سال ہم سب کے لئے بہت مشکل تھا۔ کسی کی اس حرکت نے میرے انسانیت پر یقین میں اضافہ کر دیا ہے”۔