ملک بھر سے آئے طلبا کی بڑی تعداد نے ہائر ایجوکیشن کمیشن (ایچ ای سی) کے باہر احتجاجی مظاہرہ کیا۔ طلباء کی جانب سے مطالبات کی منظوری تک دھرنا دینے کا اعلان کیا گیا۔
طلبہ کی جانب سے حکومت کے خلاف شدید نعرے بازی کی گئی اور میٹرک و انٹرمیڈیٹ کے امتحانات منسوخ کرنے کا مطالبہ کیا۔ مظاہرین نے کہا کہ حکومت کی جانب سے آن لائن پڑھایا گیا جس کی وجہ سے تیاری نہیں ہوئی، وفاقی وزیر تعلیم شفقت محمود ہمارا مطالبہ تسلیم کریں یا استعفی دیں۔
اس موقع پر کسی بھی ناخوش گوار صورتحال سے نمٹنے کے لیے پولیس کی بھاری نفری بکتر بند گاڑیوں کے ساتھ تعینات رہی۔ پولیس نے آپریشن کرتے ہوئے متعدد طلباء کو حراست میں لے لیا۔
پاکستانی پولیس پاکستان کی مستقل (طلباء) کو جیلوں میں بند کرتے ہوئے۔ آج اگر ان طلباء کے ساتھ حکومت ظلم اور زیادتی کرے گی تو کل کو جب یہی طلباء پاکستان کے سیاستدان بننیں گے اور بڑے بڑے عہدوں پر فائز ہوں گے تو کس طرح ہم ان سے انصاف کی توقع رکھ سکتے ہیں۔#Wewantpromotion pic.twitter.com/8c6VJmerv1
— Haseeb Askar (@haseebaskar43) July 1, 2021
خبر میں مزید تفصیل شامل کی جارہی ہے۔
