چین کے جنوبی حصے میں شدید بارشوں اور دریاوں میں طغیانی کی وجہ سے 20 ہزار افراد کو محفوظ مقامات پر منتقل کر دیا گیا ہے۔
مقامی انتظامیہ کے مطابق چِنگ چونگ میں 6 دریاوں میں طغیانی کے نتیجے میں پانی کی سطح وارننگ لیول تک پہنچ گئی ہے۔
سیلاب کی وارننگ جاری ہونے کے بعد ساحلی و نشیبی علاقوں سے شہریوں کی فوری طور پر منتقلی کی وجہ سے کوئی جانی نقصان نہیں ہوا۔
دوسری طرف جنوبی کوریا کے جنوب میں شدید بارشوں کی وجہ سے 2 افراد ہلاک ہو گئے ہیں اور 120 کو محفوظ مقامات پر منتقل کر دیا گیا ہے۔
شدید بارشوں کی وجہ سے مکانات اور زرعی اراضی زیرِ آب آ گئی ہے۔ متاثرہ علاقوں میں بجلی کی ترسیل منقطع اور ٹرین کی سہولت معطل ہو گئی ہے۔