کیوبا میں کورونا وائرس کی وبا کے دوران ضروری غذائی اشیا کے لیے طویل قطاروں میں لگنے اور ادویات کی قلت سے تنگ آگر ہزاروں شہری کمیونسٹ حکومت کے خلاف مظاہرے کرتے ہوئے سڑکوں پر نکل آئے۔
کیوبا کی حکومت نے ملکی عوام کو مظاہروں پر اکسانے کا الزام امریکا پر عائد کیا ہے۔
بتایا گیا ہے کہ اچانک یہ مظاہرے کیوبا کے مختلف شہروں میں ہوئے جہاں مظاہرین "آمریت مردہ باد”کے نعرے لگا رہے تھے۔
دارالحکومت ہوانا میں پولیس نے مظاہروں کو منتشر کرنے کے لیے آنسو گیس کا استعمال بھی کیا۔
کیوبا میں موجودہ معاشی بحران اور اشیائے خورد و نوش کی قلت کے ساتھ ساتھ بجلی کی کمی جیسے مسائل کی وجہ سے عوام سراپا احتجاج ہیں۔