تیونس کی النہضہ تحریک کے لیڈر اور اسمبلی اسپیکر راشد الغنوشی کورونا وائرس میں مبتلا ہو گئے ہیں۔
غنوشی کے سوشل میڈیا پیج سے جاری کئے گئے بیان میں کہا گیا ہے کہ ” اسمبلی اسپیکر راشد الغنوشی نے آج شام کووِڈ۔19 ٹیسٹ کروایا جس کے نتائج پازیٹو نکلے ہیں "۔
بیان میں مزید کہا گیا ہے کہ” غنوشی کےتمام ہیلتھ ٹیسٹ کر لئے گئے ہیں ، ضروری تدابیر اختیار کر لی گئی ہیں اور وہ اپنا کام آن لائن جاری رکھیں گے”۔
واضح رہے کہ غنوشی نے ماہِ اپریل میں دارالحکومت تیونس کے شمال میں ایک کووِڈ۔19 ویکسین سینٹر سے دوسری ویکسین لگوائی اور اس کے بعد تیونس کے عوام سے ویکسین لگوانے کے لئے وزارت صحت کے الیکٹرانک سسٹم میں رجسٹریشن کروانے کی اپیل کی تھی۔
تیونس وزارت صحت نے ملک میں کووِڈ۔19 کے ایلفا اور ڈیلٹا اسٹرینز کے تیزی سے پھیلاو کی وارننگ دی تھی