الجزائر نے مراکش پر دہشت گردوں کی حمایت کا الزام لگاتے ہوئے شمالی افریقہ میں اپنے اس ہمسایہ مسلم اکثریتی ملک کے ساتھ سفارتی تعلقات منقطع کر دیے ہیں۔
اصوات المغاربیہ نامی نیوز سائٹ کےمطابق،الجزائر کے وزیر خارجہ رمطان لعمامرة نے مراکش پر الزام لگایا کہ وہ الجزائر میں علیحدگی پسندوں کی مدد کر رہا ہے۔
یاد رہے کہ الجزائر کی حکومت نے گزشتہ ہفتے بھی دعویٰ کیا تھا کہ ان دہشت گردوں کو مراکش کی پشت پناہی حاصل ہے، جنہوں نے کئی جنگلات میں آگ لگا دی تھی۔
اس حوالے سے وزیر خارجہ لعمامرة نے کہا کہ ہمسایہ ملک مراکش نے الجزائر کے بارے میں دشمنی کی اپنی سوچ کبھی ترک نہیں کی۔
دوسری جانب مراکشی وزیراعظم سعد الدین العثمانی نے اس واقعے پر افسوس کا اظہار کرتے ہوئے اسے دشمنانہ رویہ قرار دیا ہے ۔
انہوں نے امید ظاہر کی ہے کہ یہ مسئلہ جلد ہی باہمی مفاہمت سے حل کرلیا جائے گا۔