بیلجئیم کے دارالحکومت برسلز کے ڈاکٹر، کورونا وائرس وباء کی وجہ سے، ذہنی دباو کے شکار مریضوں کے علاج کے لئے ایک نئے طریقہ علاج کا تجربہ کر رہے ہیں۔
برسلز کے بڑے ہسپتالوں میں سے برگمان ہسپتال میں زیرِ علاج ذہنی دباو کے مریضوں کو شہر کے پانچ سرکاری عجائب گھروں کی مفت سیر کا امکان فراہم کیا جائے گا۔
عجائب گھروں کی سیر کے ابتدائی نتائج کے، دباو کی علامات اور دیگر نفسیاتی مسائل میں کمی دکھانے کی صورت میں اس طریقے کو زیادہ وسیع پیمانے پر استعمال کرنے کا پروگرام بنایا جا رہا ہے۔
برسلز بلدیہ کے اسمبلی رکن برائے امورِ ثقافت ڈلفائن ہوبا نے کہا ہے کہ انہوں نے اس بارے میں کینیڈا کے ڈاکٹروں کے طریقہ علاج سے الہام لیا ہے۔
واضح رہے کہ کینیڈا کے شہر کیوبک کے ڈاکٹر ذہنی دباو کے مریضوں کو سال میں 50 کے لگ بھگ عجائب گھروں کی سیر کا مشورہ دیتے ہیں۔