یورپی یونین کی عدالت نے جرمنی اور چیک جمہوریہ کی سرحد کے قریب کتھئی کوئلے کی کان کنی بدستور جاری رکھنے پر پولینڈ کو بھاری جرمانے کا فیصلہ سنایا ہے۔
پولش حکومت کی جانب سے ماضی میں یورپی عدالت کے فیصلے کو نظر انداز کرنے کی وجہ سے اب اسے یومیہ پانچ لاکھ یورو کا جرمانہ ادا کرنا ہوگا۔
واضح رہے کہ جمہوریہ چیک نے پولینڈ کے خلاف یورپی عدالت میں مقدمہ دائر کیا تھا کہ اس کی جانب سے کتھئی کوئلے کی کان کنی کے سبب دونوں ملکوں کے درمیان سرحدی علاقے میں آب و ہوا کو شدید نقصان پہنچ رہا ہے۔
چیک جمہوریہ کا دعویٰ ہے کہ ٹورو نامی کوئلے کی کان کے لائسنس میں توسیع کی اجازت ماحولیاتی اثرات کے مطلوبہ جائزوں کے بغیر دی گئی ہے۔