ترک ضلع آئیدن کے قصبوں قوش اداسی اور دیدیم کے قریب کھلے سمندر میں 158 غیر قانونی تارکین وطن کو ڈوبنے سے بچا لیا گیا ۔
بتایا گیا ہے کہ ترک ساحلی محافظوں کو اطلاع ملی کہ بعض تارکین وطن قوش اداسی اور دیدیم کے قریب ربڑ کی کشتیوں کے ذریعے یورپ جانے کی کوششوں میں مصروف ہیں۔
جس پر ٹیموں نے فوری کاروائی کرتے ہوئے 158 افراد کو ڈوبنے سے بچا لیا ۔
بعد ازاں ان تارکین وطن کو ضروری کاروائی کے لیے ضلع آئیدن کے شعبہ امورہجرت لے جایا گیا ۔