فرانسیسی صدر ایمانویل میکخواں کو انڈہ پڑنے کی ویڈیو ایک شہری نے ٹوٹر پر شیئر کی ہے۔ بتایا جا رہا ہے کہ میکخواں کیساتھ یہ واقعہ لیون کا سفر کرتے ہوئے پیش آیا۔
غیر ملکی میڈیا کے مطابق فرانس کے صدر ایمانویل میکخواں کو تجارتی مرکز کا جائزہ لینے کے دوران شہری نے انڈہ مارا۔ سوشل میڈیا پرموجود اس واقعے کے بعد پولیس نے انڈہ مارنے والے شہری کو گرفتار کرلیا ہے۔ یہ واقعہ آج جنوبی فرانس کے شہر لیون میں پیش آیا۔
صدر ایمانویل میکخواں نے سیکورٹی اہلکاروں کو ہدایت کی کہ اگر اس کے پاس مجھے بتانے کے لئے کچھ ہے تو اسے لے آؤ؟ اگر نہیں تو میں بعد میں اس سے ملنے جاؤں گا،جاؤ اسے لے آؤ۔ یاد رہے کہ چند ماہ قبل فرانسیسی صدر کو شہری نے تھپڑ رسید کیا تھا۔
Either @EmmanuelMacron is protected by an invisible shield or someone just threw a boiled egg. pic.twitter.com/JTf5fZsAMf
— 🆃🅷🅴 🅼🅰🆁🅺🅴🆃 🅳🅾🅶 ™️ (@TheMarketDog) September 27, 2021
ڈیمیئن تاریل نامی اس ملزم نے عدالت میں اپنا جرم قبول کرتے ہوئے کہا تھا کہ اس سے یہ حرکت جذبات میں سرزد ہوئی تھی۔عدالت کو بتایا گیا کہ ملزم انتہائی دائیں بازو کی تنظیموں کا رکن ہے۔ ایمانویل میکخواں کو تھپڑ مارتے ہوئے اس نے یعنی میکخواں کا دور ختم کا نعرہ بھی لگایا تھا۔
خیال رہے کہ فرانسیسی صدور کی سکیورٹی پر ایک خاص فورس مامور ہوتی ہے جس کا نام جی ایس پی آر ہے۔ اسے 1983ء میں قائم کیا گیا تھا۔ اطلاعات کے مطابق اس وقت اس میں موجود 77 اہلکار میکخواں کی حفاظت کے فرائض سرانجام دے رہے ہیں۔
